புத்தாண்டு விஜய வருஷம் மேஷ ராசி முதல் மீன ராசி வரை பலா பலன்கள்

.

தமிழ் வலை உலக நண்பர்கள் அனைவருக்கும்    உலகத் தமிழர்  யாவருக்கும்

                         புத்தாண்டு வாழ்த்துக்கள்.

     இன்று காலை கண் விழித்துப் பார்த்தேன்.

      புதிய வானம் புதிய பூமி என்று புது மழை பொழிகிறது. 

      நான் வருகையிலே என்னை வரவேற்க..

      

       அந்த காலத்து எம்.ஜி. ஆர்.பாட்டு சுகமாக ஒலிக்க,

       என்ன விஷயம் என்று நன்றாக பார்த்தால், 

       ஆமாம்.  இன்று முதல் புத்தாண்டு 

              புது வருஷம் விஜய வருஷம்.

        இந்த விஜய வருஷத்துகுள் இன்று செல்லப்போகிறோம் என்ற மகிழ்ச்சியுடன்

        தோரணங்கள் கட்டி துந்துபி நாதம் முழங்குமந்த வீட்டுக்கு வேக வேகமாக நடந்தேன்

        அந்த மண்டபம் கண்ணில் பட்டது. 

        விஜய மண்டபம்... என்று கொட்டை எழுத்துக்களில்.....

         உள்ளே போகவேண்டும்..என்றேன் காவலாளியிடம். 

         பாஸ் வேர்டு போட்டு நீங்களே திறந்து செல்லுங்கள். 

         ஆமாம். தட்டுங்கள்..திறக்கப்படும்.கேளுங்கள் கொடுக்கப்படும்.

         நம்ம எதுனாச்சும் செஞ்சாத்தானே வேண்டியது வேண்டியபடி வேண்டி நிற்பவனுக்கு கிடைக்கும்.

          என்ன பாஸ் வேர்டு...  ஹா...  நினைவு வந்தது. 

              தி. த..     இன்னும் யோசித்து பார்த்தேன்    திண்தன

  

                                போட்டு உள்ளே சென்றேன். 

                                அங்கே ஒரு வரவேற்பு பலகை. 

            அதில்  நான் கண்ட வாசகம் இதோ. 

கல்வி, அறிவு, ஆயுள், ஆற்றல், இளமை, துணிவு, பெருமை, பொன், பொருள், புகழ், நிலம், நன்மக்கள், நல்லொழுக்கம், நோயின்மை, முயற்சி, வெற்றி - எனும் 16 வகையான செல்வங்களைப் பெற்று வளமுடன் வாழ, இனிய தமிழ்ப் புத்தாண்டு நல்வாழ்த்துக்கள். 

          என்ன ஆச்சரியம்..!! திண்டுக்கல் தனபாலன் 

          திண்டுக்கல் தனபாலன் வருபவர் அனைவரையும் ரோசா பூ  தந்து வரவேற்கிறார்.

         வாழ்க உமது பாரி உள்ளம் என 

வாழ்த்திக்கொண்டே விஜய மண்டபத்திற்குள் நுழைகிறேன்

இந்த ஆண்டு புத்தாண்டு விஜய வருஷம் மேஷ ராசி முதல் மீன ராசி வரை பலா பலன்கள் பின்வருமாறு.

.
மேஷம் ....                                        சிறப்பாக இருக்கும் 
ரிஷபம்.....                                        இனிமையாக இருக்கும். 
மிதுனம்;                                           மிருதுவாக இருக்கும். 
கடகம். .....                                        கற்கண்டு போல் இனிக்கும் .
சிம்மம்......                                      ..சீரிய செயல் புரிய சரியான நேரம் . 
கன்னி......                                         நிறைந்த செல்வம் கிடைக்கும்.
துலாம்......                                       செல்வம்  துரத்திக்கொண்டு வரும்.
விருச்சிகம்   வானம் நமக்கு எல்லை இல்லை என்ற துணிவு வரும்.
தனுசு.              தயங்காது தனி வழி போகவும் முயற்சி வரும். 
மகரம்............. மன்மதனுக்கு ரதி கிடைப்பாள். 
கும்பம்.            கனி இருக்கும்போது இவர்கள் காயை விரும்ப மாட்டார்கள். 
மீனம்.               முன்னுக்கு வரும் குழாமில் முன்னணியில் இருப்பார்கள். 


சும்மா கற்பனை  அப்படின்னு நினைக்காதீர்கள். எல்லாமே உண்மை.