இதையா கிறுக்கல் என்றா சொல்கிறீர்கள் ?

 வலைச்சரம் இன்று படிக்கப்போய் அங்கு அருணா என்ன சொல்கிறார் என்று பார்க்கும்போதே

     கிறுக்கல்கள் என கீதா அவர்கள் எழுதிய கவிதை ஒன்று என்னை
     கவர்ந்தது எனச்சொன்னால் அது மிகையல்ல .கவிதை படிக்க மேலே கிளிக்கவும். 

     கவிதை மரபு இலக்கணத்துக்கு உட்பட்டுத்தான் இருக்கவேண்டும் என்ற கட்சி எனதல்ல.

     சந்தங்கள் இருந்தால் தான் அது சிந்தை கவரும் என்ற வாதத்தையும் நான் ஒப்புக்கொள்ளவில்லை.

    வசன கவிதை பாரதி காலம் முதலே ( என்க்குத் தெரிந்து )  உருவாகி இருக்கிறது.  ஏன் ..  அதற்கு முன்னமே    சங்க கால கவிதைகள் சில இது போலவே இருக்கின்றன.

     ஒரு கவிதையைப் படித்து அதனால் உங்கள் உள்ளத்தில் ஒரு உதய சூரியன் உருவானால் அது கவிதை.

    என்ன ஒரு எளிமையான, பொருள் பொதிந்த கவிதை பாருங்கள்.

    இதையா  கிறுக்கல் என்றா சொல்கிறீர்கள் ?
    இதயம் எனக்கு இருக்கிறது.
    இனிய கவிதை என
    இதையே நான் சொல்வேன்.